ਮੈਲਬੋਰਨ (ਹਰਪ੍ਰੀਤ ਸਿੰਘ) – ਅਮਰੀਕਾ ਦੀ ਮਸ਼ਹੂਰ ਫੂਡਚੈਨ ਪੋਪੀਜ਼ ਨੇ ਨਿਊਜੀਲੈਂਡ ਵਿੱਚ ਆਪਣੀ ਸ਼ੁਰੂਆਤ ਕਰ ਦਿੱਤੀ ਹੈ ਤੇ ਜਲਦ ਹੀ ਇਸ ਫੂਡਚੈਨ ਦੇ ਸੁਆਦਲੇ ਭੋਜਨਾਂ ਦਾ ਆਨੰਦ ਆਸਟ੍ਰੇਲੀਆ ਵਾਸੀ ਵੀ ਲੈ ਸਕਦੇ ਹਨ। ਪੋਪੀਜ਼ ਦੀ ਪੈਰੇਂਟ ਕੰਪਨੀ ਰੈਸਟੋਰੈਂਟ ਬ੍ਰੈਂਡਸ ਇੰਟਰਨੈਸ਼ਨਲ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਜਲਦ ਹੀ ਉਸ ਵਲੋਂ ਆਸਟ੍ਰੇਲੀਆ ਵਿੱਚ ਆਪਣੀ ਫ੍ਰੈਂਚਾਈਜ਼ੀ ਖੋਲੀ ਜਾਏਗੀ। ਕੰਪਨੀ ਦੇ ਅਮਰੀਕਾ ਸਮੇਤ ਦੁਨੀਆਂ ਭਰ ਵਿੱਚ 4300 ਰੈਸਟੋਰੈਂਟ ਹਨ ਤੇ ਕੰਪਨੀ ਕੇਐਫਸੀ ਵਰਗੀਆਂ ਕੰਪਨੀਆਂ ਦੀ ਟੱਕਰ ਦੀ ਕੰਪਨੀ ਹੈ ਤੇ ਆਪਣੇ ਫਰਾਈਡ ਚਿਕਨ ਦੇ ਵਿਅੰਜਨਾਂ ਲਈ ਕਾਫੀ ਪ੍ਰੱਸਿਧੀ ਖੱਟ ਚੁੱਕੀ ਹੈ।